周浩鼎“跑”出政纲

图：周浩鼎边跑边讲政纲

大公网7月18日讯 已参选超级区议会嘅民建联副主席周浩鼎（Holden）寻日喺佢嘅社交网站上，就有一段以佢为主角嘅短片。喺短片中，Holden身穿Polo恤、运动裤，慢慢咁喺条街上跑，其间仲从一啲市民过嘅日常生活，发表咗佢对香港政策嘅愿望同建议添。

Holden喺短片中，先见到一位正在送囝囝返学嘅爸爸，Holden就话，有时间梗系想陪下屋企人，工作搏命都只系为咗下一代啫。之后Holden就见到一个笑到矇晒眼嘅一家四口家庭，Holden就话，同性婚姻会破坏传统家庭价值，唔知下一代点算喎。跟住Holden又跑过啲本地小店，话港人以前会喺小店买嘢，但依家嘅垄断令港人没晒选择。最后Holden就话一定要为香港做返啲嘢喇。郑晴觉得呢段短片真系几好睇 ，不过，对于Holden套衫喇喎，郑晴觉得唔系太衬啰，同埋佢嗰种慢跑，似竞步多啲啰。