大公网11月18日讯 梁颂恒、游蕙祯两人被取消议员资格，仲牵连十几名反对派议员都可能被取消资格，祸港四人帮之一嘅民主党创党主席李柱铭寻日系电台节目中指，虽然口讲唔知梁、游系唔系鬼，但就暗示话，佢哋嘅行为无逻辑，又无证明曾参与过占中，而家仲将港独同侮辱中华民族两事拉埋一齐，先至引起大风暴。
唔知李柱铭系咪睇《无间道》上咗脑，居然将两个港独分子嘅激进行为讲成一出谍战大剧。不过，佢有咁嘅谂法都不足为奇，因为激进本土派一直唔肯同传统泛民埋堆，泛民每一步都被人牵住鼻子走。
对激进本土派嘅行动只有配合或唔配合嘅选择，逐渐丧失主动权，所以泛民呢几个月都由积极配合逐渐变成有意划清界线，想要改变呢一个现状。如果将梁、游打成鬼，自然有利于泛民摆脱激进本土派嘅影响。
不过追根溯源，如果话梁、游系鬼，咁都系泛民一手养出来嘅鬼。试谂下，当初系边个参加非法占中，系边个对旺角暴乱、冲击中联办视若无睹先？如果泛民可以是其是，非其非，唔会因为对方同属反对派就予以包庇，亦都唔会令香港社会滋长出呢种激进嘅风气。对整个香港社会嚟讲，究竟本土派系鬼，抑或系打住民主旗号，一直搞乱香港嘅人先系真正嘅鬼呢？
（以上内容来源如无标示深港网皆为本网站转自其它媒体，相关信息仅为传递更多信息之目的，不代表本网观点，亦不代表本网站赞同其观点或证实其内容的真实性。如有侵权，请来信告知，本站不负任何法律责任。）